أضخم مدفع فالتاريخ

هاد نهارغنهضرو على أكبر و أضخم مدفع فالتاريخ للي سميتو Schwerer Gustav
Krupp هاد المدفع تصنع عام 1934 من طرف شركة
من بعد ما كان هتلر أمر بصنع مدفع ثقيل و كبير جدا قادر على ضرب التحصينات المعادية و يدمرها باش يمهد لاحتلال فرنسا دخل للخدمة هاد المدفع سنة 1941 و كاينا مصادر كتقول أن الجيش النازي كان كيمتالك جوج د المدافع و المواصفات ديالو ك الاتي :
الكتلة : 1350 طن
الطول : 47.3 متر
طول السبطانة : 32.5 متر
عيار القذائف : 800 ملمتر (القذائف الحالة مكتتعداش 203 ملمتر)
كتلة القذيفة : 7 أطنان (أثقل قذيفة حالية فيها 110 كيلوغرام)
مدى الاطلاق : 477 كيلومتر
هاد المدفع كيتحرك من فوق السكة بحال تران ; من بعد مكيطلق واحد العدد ديال الطلقات السبطانة كتسخن و خاصها تتبدل و باش تتبدل خاص طاقم فيه 250 جندي
هاد العملية كتتم فتلتيام و نص بمجهودات جبارة من الجنود . هاد المدفع شارك فحصار سيفاستروبول و نقلوه عاوتاني باش يشارك فمعركة لينينغراد مي الهجوم تتلغى و الغريب فالأمر مشاركش فاجتياح فرنسا للي هو الغرض باش تصنع .
وخخا هاد المدفع عندو مواصفات مرعبة الا انه فكرة غبية جدا لأنه ديك الكتلة د المعدن باش تتصنعو دوك جوج مدافع كان يمكن يصنعو بيه 200 مدفع عادي و يخدموهم
فمرة وحدة غادي يكون التأثير ديالهم كبير بززاف على العدو بالمقارنة مع هاد المدفع بوحدو بالاضافة أنه كان عندو حجم كبير و كان مفروش للقوات الاستطلاع
الجوية الشيء لي كان كيتطلب عدد كبير من بطاريات الدفاع الجوي باش يحميوه من القصف المعادي و عيب اخر هو البطء ديالو و ضرورة اقامة ممرات بالسكك الحديدية باش
يدوز هادشي مع ان هاد المدفع كان كيضرب غير قدامو يعني ميقدرش يدور لليمن
ولا ليسر .
النهاية ديالو كانت أليمة حينت ألمانيا شافو ريوسهم خاسرين و دمروه عام 1945 باش ميطيحش فأيدي القوات السوفياتية .
يلا عجبكم هاد الموضوع نحط هاد العشية موضوع بحالو على أسلحة تاريخية باش اينفوا نديرو مواضيع على معظم الأسلحة للي ميزات الحروب العالمية الأولى و الثانية
نبقا ندير مواضيع على أسلحة الحرب الباردة حتى نوضلو للأسلحة الحديثة