الطريقة ديال تفكير
السلام عليكم من جديد اليوم غنعطيكم وحد الطريقة ديال تفكير وتحويل طاقة سلبية إلى إيجابية وتقدر تفيد بعض منكم وخصوصا صحاب لنفورماتيك. وركزو معيا مزيان حيت كاين لي غتجيه معقدة شويا ولي معندوش مع تركيز وتخيل كنصحو بلا ميقرا غير غنضيع ليه وقتو المهم نبداو على بركة الله :
حاول تخايل معيا دماغك بحال شي كمبيوتر فيه ثلاثة ديال les dossiers الأول ديال الأفكار الإيجابية والثاني دالأفكار السلبية. وثالث ديال الأفكار لي قديمة ولي ناوي ديرها ولي فيها الماضي ديالك والمستقبل وفي هذ ثلاث ملفات إذا دخلتي لهم غتلقى بزااف دالملفات، كاين لي غيقول لي ها حنا تخايلنا ومن بعد باش غينفعني؟. هذ الطريقة غتنفعك فاش تكون باغي تحيد ولا تمسح شي حاجة خايبة من دماغك وخاصك تعرف بلي قبل ما كنقطعو شي عادة خايبة فينا قبل من قطعها في الواقع خاص نمسحوها من دماغنا خطهي لولة وهذ هو الدور ديال هذ الطريقة غير هي كطلب الهدوء والاستمرار في تجربة ديالها باش تعود دماغك على هذ نمط جديد ديال تفكير. و باش نكملو الفكرة ديالنا نعطيو مثال بسيط وغاتفهمو كثر. وكنعادها خاص تركزو مزيااان وتعمقو المهم #مثلا أنا باغي نقطع التدخين شنو ندير؟
-أولا:ندخلو للملف دالأفكار السلبية لي في دماغك ونمسحو الملف دفكرة التدخين.
ثانيا: غتكون عندك شي فكرة دالتدخين في الأفكار الإيجابية حيت نتا تقدر تكون كتعتابرو وسيلة لتهدئة الأعصاب والراحة النفسية...إذا اتوماتيكمو دماغك غيدخل هذ الأفكار للملف الإيجابي ولي هذا ندخلو للأفكار الإيجابية ونمسحو مرة خرا هذ الملفات لي كتعلق بالتدخين وبلي هو مزيان وكدا...
ثالثا: ندخلو للملف دالأفكار الماضية والمستقبلية غنلقاو جوج ملفات واحد دالماضي وحد دالمستقبل لا عنداك تمسح القلا*ي كامل وتفقد ذكرة ههه المهم فاش غدخل حاول تمسح جميع الأفكار لي متعلقة بالتدخين ولي كاينة في الماضي والمستقبل.
رابعا: دبا ندخلو للأفكار السلبية ونزيدو وحد الملف جديد ولي غنسميه (أضرار التدخين). وختار الإسم لي بغيتي. وغدي تدير فيه جميع أضرار والتدخين ومخاطره على جسمك وكتب (كنقصد بكتبها: دخلها لدماغك ) جميع الأفكار السلبية لي كتعرف وبغيتي تزيد تبحث على الأضرار غيكون أفضل وفين ما تبان ليك شي فكرة سلبية على تدخين دخلها نتما.
خامسا: دخل للأفكار الإيجابية ونتبعو نفس طريقة كنزيدو وحد ملف وغنسميه (إيجابية الإقلاع عن التدخين) وكتب فيه جميع الإجابية. ودير حفظ البيانات في دماغك باش ميتمسحوش
)دبا غنتعمقو كثر حاول تركز تفهمني(
سادسا: غدي دير وحد برنامج الحماية من الفيروسات وشنو هما هذ الفيروسات؟ هما الاشخاص لي كتعرف وهما بدورهم كيعطوك أفكار سلبية في الغالب ونبقاو في التدخين: عشيرك مثلا غيبقا يقولك بلي الgارو مزيان كيخليك تنسى المشاكيل وترتاح.... وهذ الأفكار هي عبارة عن فيروسات ولي كتدمر داك شي لي بنيتي ولي هذا قبل ميعطيك شي حد شي فكرة وقبل متدخلها لدماغك دير ليها طيسط وختابرها واش فيها شي فيروس ولي هو عبارة عن أفكار مدمرة وعاد دخلها لدماغك وإذا كانت شي فكرة مغتنفعك مغتدرك ولا مغتنفعكش دابا... ديرها في سلة المهملات ههه وخليها.
سابعا: بقا تعاود طريقة ديما باش تولف دماغك على هذ طريقة الجديدة.
ثامنا : وهو تنفيذ الأفكار في الواقع وكاين لي يتعمق و يتخيل معاك كلشي وباش ينفذ والو للأسف. المهم هذي ما فيها ميتشرح داك الأفكار لي درتيها بكل بساطة نفدها في الواقع وخا غير تدريجيا إذا كنتي ممستعدش.
_وهنا غنكونو سالينا الموضوع ديالنا. وكاين لي غيقول لي بلي بلا هذ تخربيق كامل نفذ الأفكار ديريكت. غنقول لك بلي فاش كتبع شي طريقة باش تسير بيها دماغك كتكون حسن وكتنفعك بزاف بحيت كيكون وحد تنظيم دقيق في دماغك وكتسهل عليه بزاف دالحويج وطبعا كاين لي مغتعجبوش طريقة وهذ شي عادي وكنتمنا تكون عجباتكم طريقة ولي مغتلقاهاش في شي مكان خر من غير هذ الجروب وكإشارة هذ طريقة تقدر تخدمها في دراسة وإذا بغيتي تحفظ شي حاجة وأيضا في الخدمة والرياضة ولا شي مشاكيل نفسية... وأي شيئ كيتعلق بيك غير خاص تعود دماغك عليها ونتا زيد طور الفكر من راسك. وكنتمناو دعمونا بتعليق زوين باش يوصل المنشور للجميع وشكر